Азгvй зураачийн зурсан тэнгэрлиг зурагнууд
Дурлалын бурхны гэгээн хөргийг
Хорвоогийн гаслант амьдралдаа дөнгөлөгдсөн
Харанхуй хvмvvс тоож худалдан авсангvй ээ...

Ядуу зураачид ямар бэл хөрөнгө байх биш дээ
Алтан гургалдай шиг уяхан хоолойтой,
Үлгэрийн дагина шиг гоёмсог дуучин бvсгvй
Үнэхээр л холын хол орших од мэт байлаа.
Арга ядсан зураач залуу өөрийн эрхгvй бүсгүйн байшингийн цонхыг ширтэж
Өдөржин, шөнөжин бороотой, нартай, цастай, шуургатай байхыг
vл хайхран хэдэн жил л юм бэ зогссоор, зогссоор л......

Хөөрхөн царайтай ихэмсэг дуучин бороонд нvдvvлэн, цонх руу нь ширтэн зогсоо зураач залууг өдөр бүр, шөнө бүр харсаар... хэдэн жил, хэдэн сар ч юм болов уу эсвэл... Нэгэн бороотой vдэш болзооноосоо буцаж ирээд
уйтгарт автсан залуу бvсгvй цонхоороо шагайн харвал ... зураач залуу алга байхыг гэнэт мэджээ. Дуучин бvсгvй үүнд нь тун ч их гомдож гэнээ. Харин хөөрхий ядуу зураач хатгаа авсан тул гэртээ хэвтэж байж. Хайртай бvсгvйнхээ гэрийн гадаа очъё гэвч гараа ч хөдөлгөх тэнхэлгvй байлаа.
Гэтэл маргааш нь тvvнд ийм нэгэн зурвас ирэв гэнэ.
"Хайртай гэсэн чинь яалаа?
Харагдаж цонхон дор минь зогсолгvй
хаашаа явсан юм бэ?" гэжээ.
Гэнэт зураач залуугийн хацарт нь цус хурж, зүрх нь цохилоод ирэв. Харах нvд нь баясгалангаар дvvрч бие цогцос нь тэнхээжлээ. Залуу зураач ийнхүү шийдлээ. Заавал надад байшин барихын хэрэг юу билээ. Зарж орхиод тvvнийхээ цонхны дэргэд зуун жил зогссон ч яахав. Бvсгvй өглөө эрт сэрлээ. Дуучин шувуудын жиргэх дуун сонсогдож, цэцэгсийн анхилуун vнэн хамар цоргижээ... бvсгvйн сэтгэл гэнэт догдлон босож, цонхоо нээж гадагш харлаа.
Гэтэл ... сая сая гал улаан сарнай ...
сая сая хайрын улаан сарнай хашаа дvvрэн, зулаастай ...
Бvсгvй турьхан цагаан хөлөөрөө цэцэгс дундуур туучихыг хvслээ.
Хайртай бvсгvй нь хөөрөн баясаж, гал халуун хайр нь шингэсэн сарнайн дунд хөлбрөхийг нь эцсийн удаа, эцсийн амьсгалаа татахдаа зураач маань харжээ. Тэгээд түүний тэргүүн чимээгүйхэн доошилж, ичингvйрэх мэт гудайв. Хайр дурлалдаа шатаж зураач маань хайрын мянган бадаг,
тvмэн зураг, сая сая сарнайтайгаа мөхөрлөө..

Сая сая гал улаан сарнай
Сая л жаргалтай болсон зураачийн царай
Дурлалдаа vнэнчээр vлдсэн тvvний тухай домог одоо ч дуурссаар байна.
Дэмий нэг сарнай бэлэглэдэггvйг одоо л хvмvvс ойлгоно биз ээ...
ЗөРүүД ЖааЛ