Сар жилээр хүлээсэн үсний тань буурлаар ухаарал хайсан

Бор хүү чинь ээжээ таньдаа яарж явнаа

Бодлынхоо үзүүрт жаргал мөрөөдсөн хүү чинь

Хатуугийн өмнө хатуудаа хатуу ч

Харин таныгаа санахаар нялхраад явчихийм

Өмөлзөөд жаахан эрхэлмээр байна ээжэээ

Өнөөдөр ажилаа эрт тараад яваад очье

Хажууд минь байгаа ч очиж амждагүй

Хүүгээ уучлаарай ээжээ

Харууслын хорвоод бүүр хол одчвол

Хариад удахгүй очлоо гээд урвагнаад эрхэлж амжихгүй

Хүүгээ ээжээ ...

Нарны эртэд босч заяан тэгшээ гэж сүү өргөөд л явахад тань

Намайгаа гэсэн сэтгэлийн тань гэгээнд алхахдаа өөдрөг байдаг

Насаараа ч хамааагүй хормойноос тань чирэгдэж эрхлэх хүүгээ

Надаас өндөр болоорой гэх болгонд тань

Өөрөөсөө намхан байлга гэж би хааяаа боддог

Өнөөдөр хамаагүй би намхан байя л даа

Та минь дэргэд байхад би өндөрсөөд яахийн бэ

Талын минь нар жаргаагүй үлгэр шиг ээжээ хамт л байгаарай

Өнөөдөр... ээжээ хүү нь очно

Өөрийнхөө дуртай хар талхаа сахартай иднэ

Таныхаа энгэрт насаа мартаж жаахан сууе

Тарни шиг сэтгэлд таны гэгээрж ариусье

Одоо ингээд л гарлаа ээжээ

Онгоцоор бас галт тэргээр биш

Шахалдсан нийтийн унаанд таньдаа яараад суучий

Шар сүү нэг чихэр өвөрдлөөд яваад очье ээжээ...

Б.Нямбаяр 2009 , 6, 4
eh ornii toloo